«Կուզենայի, որ մեր հայ աղջիկները, այն տղերքի հետ, որոնք ի վիճակի են ծառայել, բայց ինչ-ինչ ձեւերով փախել են ծառայությունից, չամուսնանային նրանց հետ: Այդ տեսակի մարդկանց արյունը լավը չի, որ սերունդ տան: Լավ կլիներ, եթե նման օրենք ընդունվեր»,-Aravot.am-ի հետ զրույցում անդրադառնալով վերջերս հրապարակված՝ պաշտոնյաների չծառայած որդիների ցուցակին, ասաց Արցախյան պատերազմի մասնակից Կարո Կարապետյանը(«Մորուք Կարո»):
«Թող մի քիչ արհամարհվեն, որ զգաստանան»,-ասում է նա, ապա հավելում. «Թող չնեղանան, բայց չեմ ընդունում նաեւ այն տղաներին, ովքեր այլազգիների հետ են ամուսնացել: Մեր աղջիկներին պարապ չի կարելի թողնել, դրանից վատ բաներ են բխում: Սաղ աշխարհը աչքը տնկել է մեր աղջիկների վրա, ինչի՞ են այլազգիի հետ ամուսնանում: Տղաները քիչ են, ամեն մեկին տասը աղջիկ է հասնում, չե՞ն կարում մի հալալ, կաթնակեր, կարմրաթուշ աղջկա հետ ամուսնանալ»:
Կարապետյանը համոզված է, որ զինվորական ծառայությունից անհարկի խուսափողների հանդեպ պատժամիջոցներ պետք է սահմանել. «Օրինակ՝ թող գերագույն գլխավոր հրամանատարը ծնողին հրահանգի այնպես պատժել տղային, որ մյուսները տեսնեն ու մտածեն…Որոշներն ասում են՝ թող գումար տան ու չծառայեն, բայց դրան կողմ չեմ, էդ տված փողը էլի հետ կթալանեն»:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
