Հուլիսի 20-ին կառավարությունը հավանություն տվեց «Հայաստանի Հանրապետության եւ Ռուսաստանի Դաշնության միջև 2013 թվականի հունիսի 25-ի՝ «Հայաստանի Հանրապետության և Ռուսաստանի Դաշնության միջև ռազմատեխնիկական համագործակցության զարգացման մասին» պայմանագրի շրջանակներում մատակարարվող ռազմական նշանակության արտադրանքի առկայության և նպատակային օգտագործման նկատմամբ հսկողության իրականացման կարգի մասին» համաձայնագիրը վավերացնելու մասին» օրենքի նախագծին:
Այս նախագծին որոշ վերլուծաբաններ բացասական գնահատական տվեցին, նշելով՝ նախագիծը սահմանափակելու է ՀՀ-ի ռազմական ազատությունը:
Aravot.am-ն այսօր «Մեդիա կենտրոնում» ՀՀԿ փոխնախագահ Արմեն Աշոտյանից պարզաբանում խնդրեց համաձայնագրի վերաբերյալ:
«Համոզված եմ՝ Հայաստանի պաշտպանունակությունը սահմանափակող միազգային իրավական որեւէ ակտ ո՛չ ստորագրվել է, ո՛չ ստորագրվում է, ո՛չ էլ ստորագրվելու է: Հակառակը, Հայաստանի պայմանագրային բազան միջազգային՝ պաշտպանության, անվտանգության, արտաքին հարաբերությունների ոլորտում ուղղված է լինելու մեր պաշտպանունակության ռազմավարության խորության եւ անվտանգության ուժեղացմանը»:
Մանրամասները՝ տեսանյութում:
Նելլի ԲԱԲԱՅԱՆ
