«Հաց բերող» անվամբ հայտնի Արթուր Սարգսյանի փաստաբանն «Ազատության» հետ զրույցում տեղեկացրեց, որ ՊՊԾ գնդի տարածքի գրավման գործի շրջանակում Սարգսյանի մասով նախաքննությունը շարունակվում է նույնիսկ նրա մահից հետո:
«Կարծում եմ, որ իշխանությունը չի հրաժարվում Արթուր Սարգսյանի գործն այնպես քննելուց, որ ինչ-որ կերպ նրա մեղավորության պատրանքը ստեղծի: Սարգսյանի հանրային հեղինակությունն այնքան մեծ էր, որ անգամ նրա մահից հետո իշխանությունը չափազանց մտահոգված ու վախեցած է նրա համբավով»,- «Ազատությանն» ասաց Արթուր Սարգսյանի փաստաբան Տիգրան Եգորյանը:
Նրա խոսքով, նաև դրանով են պայմանավորված մամուլում Սարգսյանին առնչվող որոշակի տեղեկատվական արտահոսքերը: Կայքերից մեկն օրերս Արթուր Սարգսյանի դեմ տրված ցուցմունքներից հատվածներ էր հրապարակել: Դրանցում, մասնավորապես, նշված է, թե ««Հաց բերողը» հայտնաբերել ու ոչնչացրել է գնդի տարածք ուղարկված սննդի և դեղորայքի պայուսակներում իրավապահ մարմինների աշխատակիցների կողմից թաքցված տեսաձայնագրող հատուկ միջոցները՝ այսպես կոչված ժուչոկները, այդպիսով խափանելով զինված խմբի հանցավոր գործողությունները կանխելուն ուղղված իրավապահ մարմինների գործողությունները»:
Ամբողջությամբ` սկզբնաղբյուր կայքում:
