Լողի հայկական դաշնության նախագահ Հովսեփ Մեսրոպյանն այսօր մեկնեց Բուդապեշտ, որտեղ հուլիսի 20-ից 24-ը կայանալու է Ջրային մարզաձեւերի միջազգային ֆեդերացիայի համաժողովը:
Հովսեփ Մեսրոպյանը Բուդապեշտում մասնակցելու է միջազգային այս կազմակերպության նախագահի ընտրություններին: Նա Aravot.am-ին մեկնելուց առաջ տեղեկացրեց նաեւ, որ համաժողովում որոշվելու է, թե 2018 թվականի աշխարհի առաջնությունը որ երկիրն է հյուրընկալելու, ինչպես նաեւ քննարկվելու են կանոնների փոփոխության հետ առնչվող հարցեր:
Աշոտ ՀԱԿՈԲՅԱՆ
