Անգլիայի «Մանչեսթեր Յունայթեդի» կիսապաշտպան Հենրիխ Մխիթարյանը Facebook-ի միջոցով պատասխանել է երկրպագուների հարցերին: Հարցերը ֆուտբոլիստին ուղղվել են #AskHenrikh հեշթեգով:
Մասնավորապես Հենրիխ Մխիթարյանը նշել է, որ իրեն պարզապես փշաքաղեցնում է երկրպագուների կողմից իրեն նվիրված He’s our midfield Armenian («Նա մեր հայ կիսապաշտպանն է») երգը՝ հարմարեցված Սթինգի Englishman in New York երգի վրա:
«Բնականաբար, ես լսել էի այդ երգը նախքան իմ երգը կհորինվեր,- ասել է նա:- Ես շատ շնորհակալ եմ երկրպագուներին՝ նման երգ հորինելու համար: Միշտ հաճույք եմ ստանում, երբ այն լսում եմ: Մարմինս փշաքաղվում է: Շատ եմ հուզվում»:
Պատրաստեց՝ Վիկտորյա ԱՆԴՐԵԱՍՅԱՆԸ
