BBC-ի ֆոտոլրագրող Օլիվեր Դոյլը շրջել է 1988թ. դեկտեմբերի 7-ին երկրաշարժից ավերված Գյումրիում, ծանոթացել` ինչպես է անցնում մարդկանց կյանքը դոմիկներում։
Ժամանակավոր մետաղե տանիքները, որոնք կառուցվել են Խորհրդային Միության կողմից, երկրաշարժից հետո էլ շարունակում են որպես տուն մնալ հարյուրավոր մարդկանց համար։
Կոշկակար Հովհաննեսը և նրա կինը` Արուսյակը, Դոյլին պատմել են, որ վերջին շրջանում դատարկություն են զգում, քանի որ որդիներից մեկն արտագնա աշխատանքի է մեկնել Ռուսաստան, իսկ մյուսը պայմանագրային զինծառայող է։
1991թ` ԽՍՀՄ փլուզումից հետո ավերված Գյումրու վերականգնման աշխատանքները դանդաղեցին։ Չնայած որոշակի քայլեր ձեռնարկվել են այդ ուղղությամբ, բայց այսօր էլ տների վրա նկատելի են աղետի հետևանքները, ասվում է հոդվածում։
Գյումրու կենտրոնում Դոյլը լուսանկարել է երկու ժամագործի իրենց փոքրիկ խանութում։ Նա նաև այցելել է մսագործի խանութ։ Բայց ամենաշատը, որ Դոյլին տպավորել է, եղել է վնասներ կրած այս ազգի վրայով սավառնող հանգիստ երգը։
Պատրաստեց Վիկտորյա Անդրեասյանը
