Այս տարի Երեւանի պետական համալսարանի հայ բանասիրության ֆակուլտետում թափուր տեղեր կան: Թեման մտահոգության տեղիք է տվել:
Aravot.am-ը ԵՊՀ հայ բանասիրության ֆակուլտետի դեկան Արծրուն Ավագյանից հետաքրքրվեց` ո՞րն է պատճառը համապատասխան թվով դիմորդներ չլինելու: «Առաջին պատճառը արտագաղթն է, մյուսն այն է, որ մի շարք բուհեր են բացվել Հայաստանում, երրորդը` աշխատանքի հեռանկար չկա, աշխատավարձն էլ խիստ ցածր է, այդքանը, որ գումարես, դրանք բոլորը պատճառ են, որ դիմորդների թիվը պակասի: Գումարած նաեւ այն, որ ժողովրդի մեծ մասն ի վիճակի չէ ուսման վարձ վճարել»,-ասաց դեկանը:
Նրանից տեղեկացանք, որ բանասիրականում ուսման վարձն այսուհետ 430000-440000 դրամ է լինելու:
Մեր հարցին` ի՞նչ լուծում է տեսնում, Արծրուն Ավագյանը պատասխանում է. «Լուծումն այն կլինի, եթե աշխատանքի վայր ունենան բանասիրական ֆակուլտետի շրջանավարտները, աշխատավարձը պետք է բարձր լինի, որ կանխվի արտագաղթը, դրանք բոլորը կբերեն լուծման»:
Մանրամասները` տպագիր «Առավոտում»
Գոհար ՀԱԿՈԲՅԱՆ
