Ընդդիմադիր «Ծառուկյան» դաշինքի պատգամավոր Սերգեյ Բագրատյանը կարծում է, որ 2013 թվականի փորձը պետք է դաս եղած լինի իշխանությունների համար, եւ ԵՄ-ի հետ ստորագրվելիք նոր շրջանակային համաձայնագիրը նախապատրաստելիս պետք է ի նկատի ունեցած լինեն մեկ փաստ` պետք է այնպիսի փաստաթուղթ, որը չի հակասի ԵԱՏՄ-ի դրույթներին: Քանի որ համաձայնագիրն արդեն նախաստորագրված է, պատգամավորը կարծում է, որ Հայաստանը կստորագրի այդ համաձայնագիրը եւ ներդրումների ներգրավման, իրավաքաղաքական դաշտում հնարավորություն կունենանք ԵՄ-ի հետ ավելի սերտ համագործակցելու:
«Մտավախություն միշտ էլ կա, մանավանդ, որ ազատ առեւտրի հետ կապված մաքսատուրքերը ԵԱՏՄ-ում այլ են, ԵՄ-ում այլ են, դրանք համադրելը բավական բարդ է լինելու»,- ասաց նա` հավելելով, որ բավական զգուշավոր պետք է փորձենք լինել, որպեսզի հնարավորություններ ունենանք մեր նաեւ քաղաքակրթական դիրքորոշումները ներկայացնելու, ժամանակի մեջ հասնելու դրանց: Սերգեյ Բագրատյանը Հայաստան-ԵՄ հարաբերություններում շատ է կարեւորում նաեւ իրավաքաղաքական դաշտում համագործակցությունները, եվրոպական կառավարման համակարգին ինտեգրվելը. «Կարծում եմ՝ կստացվի: Հուսով եմ, որ կստացվի, համենայնդեպս, ցանկությունը շատ մեծ է»:
Զրույցի այլ մանրամասները
«Առավոտ»
14.07.2017
