Ռուսաստանի Պետդուման վավերացրել է Ռուսաստանի Դաշնության և Հայաստանի Հանրապետության միջև երկու երկրների զինված ուժերի միավորված խմբավորում ստեղծելու պայմանագիրը: Այս մասին ասվում է Պետդումայի կայքում
Պայմանագիրը ստորագրվել էր 2016թ. նոյեմբերի 30-ին:
Զորախումբը ստեղծվում է Հավաքական անվտանգության կովկասյան տարածաշրջանում և նպատակ ունի ժամանակին բացահայտել զինված հարձակման նախապատրաստումները, պաշտպանել ընդհանուր սահմանի ցամաքային հատվածը, մասնակցել հակաօդային, ռադիոէլեկտրոնային և տեղեկատվական ենթակառուցվածքների պաշտպանությանը:
Միավորված խմբավորման կազմը կորոշվի լիազորված մարմինների՝ Հայաստանի և Ռուսաստանի պաշտպանության նախարարությունների կողմից՝ ռազմաքաղաքական դրության համատեղ վերլուծության վրա:
Պայմանագիրը կնքվել է 5 տարի ժամկետով՝ ավտոմատ կերպով 5-ամյա ժամկետներով երկարաձգելու հնարավորությամբ:
Պատրաստեց՝ Վիկտորյա ԱՆԴՐԵԱՍՅԱՆԸ
