Վերջին շրջանում կրկին լայնորեն քննարկվում է ՀՀ պետական զինանշանի եւ օրհներգի փոփոխության թեման: Ե՛վ փոփոխության, ե՛ւ գործող զինանշանն ու օրհներգը պահպանելու կողմնակիցները իրենց տեսանկյունից համոզիչ փաստարկներ են բերում: «Սասունցի Դավիթ» կայարանի գմբեթին էլ դեռ Խորհրդային Հայաստանի նախկին զինանշանն է փայլփլում: Այն, սակայն, որեւէ մեկի տրամադրությունը չի գցում, ոչ էլ ոգեւորում է: Անցորդները եւ այդ տարածքում ապրողները չեն էլ նկատել, որ խորհրդային զինանշանի «ներքո» են ապրում:
Իրականում կարեւորն այն է, որ փոփոխություն տեղի ունենա մարդու ուղեղում եւ հոգում: Այսօր շատերը չեն ձերբազատվել խորհրդային մտածելակերպից, մի շարք արատավոր բարքերից` օրենք խախտել, կաշառք տալ ու վերցնել, գործընկերոջը ֆռռացնել, լինել լավ քաղաքացի եւ այլն, թեեւ անկախ հայաստանցի են «խաղում»: Ու որեւէ փոփոխված զինանշան կամ օրհներգ նրանց չի ստիպի հակառակն անել, եթե իրենք չցանկանան փոխել իրենց:
Լուսանկարը՝ ԳՈՀԱՐ ՀԱԿՈԲՅԱՆԻ
«Առավոտ»
11.07.2017
