«Կարծում եմ՝ Տիգրան Սարգսյանն ու Նավասարդ արք. Կճոյանը խաբվել են». «Օֆշորի» գործով տուժած (Տեսանյութ)

«Մեղադրյալ Աշոտ Սուքիասյանից պահանջում եմ ունեցվածքս՝ 100 միլիոն դոլար, որը նա խաբեությամբ խլել է, եւ որ դատարանը նրան օրենքի խստությամբ պատժի: Նրա պատճառով ես չկարողացա 10 հազար բանվորի աշխատեցնել, նրանք արտագաղթեցին»,-«Օֆշորի» գործով այսօրվա նիստի ավարտին լրագրողների հետ զրույցում ասաց գործով տուժած՝ ունեզուրկ գործարար Փայլակ Հայրապետյանը:

Նա կրկին հիշեցրեց, որ «Օֆշորի» աղմկահարույց գործում շրջանառվում են նախկին վարչապետ Տիգրան Սարգսյանի եւ Տ. Նավասարդ արքեպիսկոպոս Կճոյանի անունները. «Աշոտ Սուքիասյանը գումարները փոխանցել է նրանց հաշիվներին: Հնարավոր չէ դրսում հաշիվ ունենալ, դրան գումար փոխանցվի, եւ բանկն այդ մասին քեզ չծանուցի: Ասում են, որ տեղյակ չեն եղել «օֆշորներ» փոխանցված այդ գումարների շարժից: Սա խաբեություն է, սա ծիծաղելի է…լավ կլինի՝ իրենք էլ ասեն, որ տեղյակ են եղել դրանից, եւ ինչպես ես եմ խաբվել, իրենք էլ են խաբվել Աշոտ Սուքիասյանից: Այո, կարծում եմ՝ նրանք էլ են խաբվել»:

Մանրամասն՝ տեսանյութում:

Լուիզա ՍՈՒՔԻԱՍՅԱՆ