Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում այսօր տեղի չունեցավ հոկտեմբերի 27-ի գործով ցմահ ազատազրկման դատապարտված Էդուարդ Գրիգորյանի մորից գումար շորթելու գործով դատական նիստը: Պաշտպանական կողմը միջնորդեց նիստը հետաձգել՝պատճառաբանելով, որ ամբաստանյալ Թերեզա Սարգսյանը հիվանդ է՝ ստացիոնար բուժման մեջ է գտնվում:
Դատարանը բավարարեց միջնորդությունը, առայժմ հայտնի չէ՝ ինչքան ժամանակով հետաձգվեց նիստը:
Հիշեցնենք, որ Թերեզա Սարգսյանին մեղադրանք է առաջադրվել այն բանի համար, որ նա հոկտեմբերի 27-ին գործով ցմահ ՔԿՀ-ում ցմահ ազատազրկում կրող Էդուարդ Գրիգորյանի նկատմամբ համաներում կիրառելու և ներում շնորհելու կեղծ խոստմամբ, վերջինիս մորը՝ Թերեզա Օհանյանին դրդել է իր միջոցով առանձնապես խոշոր չափերով՝ 4.903.740 ՀՀ դրամին համարժեք 12000 ԱՄՆ դոլար գումար կաշառք տալ պաշտոնատար անձանց, ապա, ստանալով նշված գումարը՝ հափշտակել է առանձնապես խոշոր չափերով գույքը։
Արփինե ՍԻՄՈՆՅԱՆ
