Քիչ առաջ «Սասնա ծռերից» 18-ի՝ Արամ Մանուկյանի, Հովհաննես Հարությունյանի, Թաթուլ Թամրազյանի, Արամ Հակոբյանի, Արթուր Մելքոնյանի, Տիգրան Սարգսյանի, Տիգրան Մանուկյանի, Արայիկ Հակոբյանի, Արթուր Սողոմոնյանի, Գառնիկ Հովակիմյանի, Հովհաննես Վարդանյանի,Վարդան Գերավետյանի, Մարտիրոս Հակոբյանի, Սերգեյ Կյուրեղյանի, Գևորգ Իրիցյանի, Թորոս Թորոսյանի, Մանվել Աթոյանի, Վարդգես Գևորգյանի գործով դատական նիստը վերսկսվելուն պես դատավոր Արտուշ Գաբրիելյանը հայտարարեց, որ մերժում է փաստաբան Լուսինե Սահակյանի՝ իր դեմ ներկայացրած ինքնաբացարկի միջնորդությունը:
Դատավորը նշեց՝ քանի որ ամբաստանյալների պաշտպաններից Լուսինե Սահակյանը եւ Երվանդ Վարոսյանն առանց իր թույլտվության դուրս եկան դահլիճից, իսկ Ինեսսա Պետրոսյանը ներկա չէ, անհրաժեշտ է համապատասխան որոշում կայացնել: Նիստն արդեն երկրորդ անգամ ընդմիջվեց, այս անգամ՝ մեկ ժամով: Նիստին հետեւող քաղաքացիները դժգոհում են, որ սա նիստ չէ, այլ «ժամավաճառություն»:
Մանրամասն քիչ ուշ՝ տեսանյութում:
Լուիզա ՍՈՒՔԻԱՍՅԱՆ
