«Ես ունեմ կարկտահարված 9 համայնքների տվյալները, վնասները 25-75% են: Մոտեցումները լինելու են անհատական. օրինակ` վարկերի ժամկետի երկարաձգում, արժույթի փոխանակում, տոկոսադրույքի միանշանակ նվազեցում և այլն»,- խորհրդարանում, լրագրողների հետ զրույցում ասաց ՀՀ ԿԲ նախագահ Արթուր Ջավադյանը`պատասխանելով կարկուտից տուժած գյուղական համայնքների բնակիչների`վարկերի վերանայման մասին հարցին:
Նա տեղեկացրեց նաեւ, որ վերջին 4 տարում 500 մլրդ դրամից ավելի գյուղացիական վարկ է տրամադրվել, տոկոսադրույքն այս պահին ձևավորվել է մոտ 15% մակարդակի վրա: Այդ գումարից 90 մլրդը տրվել է դրամով, սուբսիդավորվել է կառավարության կողմից, գյուղատնտեսությունների համար հասանելի եղել 8%-ով:
ԿԲ նախագահը հավաստիացրեց`աշխատանքներ են տանում ընդհանրապես վարկերի տոկոսադրույքներն իջեցնելու համար. «Վարկերի տոկոսադրույքներն էս պահին բավականին լուրջ իջնում են: Մենք սպառողական շատ վարկերի տոկոսադրույքով Միացյալ Նահանգներից ցածր ենք»:
Նելլի ԳՐԻԳՈՐՅԱՆ
