«Ստիպված ենք փաստել, որ Ադրբեջան ժամանող Ռուսաստանի քաղաքացիները իսկապես խտրականության են ենթարկվում ազգային հողի վրա»,- ասվում է Ռուսաստանի ԱԳՆ հայտարարության մեջ: «Շարունակում ենք պահանջել դադարեցնել վրդովեցուցիչ խտրականության փորձը, որը համատեղելի չէ երկու երկրների բարեկամական հարաբերությունների հետ: Բնականաբար, եզրակացություններ կանենք ստեղծված իրավիճակից»:
Հայտարարության մեջ նշվում է, որ տարեսկզբից Ռուսաստանի 25 քաղաքացիների մուտքը Ադրբեջան արգելվել է: Նրանք մի քանի ժամով բերման են ենթարկվել, մի շարք դեպքերում նրանց զրկել են ուտելիքից, ջրից, բժշկական օգնությունից, իսկ հետո հետ են ուղարկել հենց իր հաշվին: Ընդ որում, որպես պատճառաբանություն նշվել է նրանց հայկական ազգանունը, սակայն եղել են նաև դեպքեր, երբ «ռուսական ազգանունով, անունով և հայրանունով անձանց հարցաքննել են՝ հայկական արմատներ գտնելու համար»:
ԱԳՆ-ում նշել են, որ իրենք բազմիցս, այդ թվում պաշտոնական նոտայով, պահանջել են դադարեցնել այդ փորձը, բայց գոհացուցիչ պատասխան չեն ստացել:
«Ադրբեջանի ԱԳՆ պատասխան նոտայում ասվում է, որ «անցանկալի էքսցեսներից խուսափելու համար Ադրբեջանի ստիպված է համապատասխան կարգավորումներ մտցնել մի շարք անձանց նկատմամբ»»,- ասվում է Ռուսաստանի ԱԳՆ հայտարարության մեջ:
Պատրաստեց՝ Վիկտորյա ԱՆԴՐԵԱՍՅԱՆԸ
