Ժիրայր Սեֆիլյանի եւ մյուսների գործով դատական նիստը վերսկսվեց կրկին առանց կողմերի բավարար ներկայացվածության: Նիստերի դահլիճում մեկ ամբաստանյալ կար եւ երկու փաստաբան:
Քիչ հետո նրանց միացավ փաստաբան Արա Զաքարյանը: Դատավոր Տաթեւիկ Գրիգորյանի որոշմամբ՝ նա ներգրավվեց որպես ամբաստանյալ Ժիրայր Սեֆիլյանի պաշտպան:
Իսկ ամբաստանյալ Գեւորգ Սաֆարյանի համար դատարանի որոշմամբ փաստաբան Տիգրան Եգորյանի փոխարեն հանրային պաշտպան կնշանակվի:
Այս գործով նիստը հետաձգվեց եւ նշանակվեց հուլիսի 21-ին, ժամը 11:00-ին:
Լուիզա ՍՈՒՔԻԱՍՅԱՆ
