Քիչ առաջ «Սասնա ծռեր» խմբի 18 անդամների գործով նիստը վերսկսվելուց հետո դատավոր Արտուշ Գաբրիելյանը կրկին սանկցիա կիրառեց ամբաստանյալների հանդեպ եւ նրանց հեռացրեց նիստերի դահլիճից՝ ոտքի չկանգնելու համար: Փաստաբանները դժգոհեցին, որ դատավորը փոխանակ քննարկեր դրսում մնացած 4 փաստաբանների հարցը, սանկցիաներ է կիրառում իրենց պաշտպանյալների հանդեպ: Նիստը ընդմիջվեց 4-րդ անգամ, փաստաբաններից Մոնիկա Մարգարյանի հանդեպ որոշում կայացնելու համար:
Լրագրողների հետ զրույցում ամբաստանյալների պաշտպաններից Գրիշա Բալասանյանը նշեց, որ դատավարությունը ներկայացման է նմանվում, իսկ դատավորը ճիշտ կաներ ինքն իրեն հեռացներ վարույթից, քանի որ գործում է ի վնաս պաշտպանական կողմի: Փաստաբանները որոշել են արդեն 4-րդ անգամ ընդմիջված նիստը վերսկսվելուն պես ներս չմտնել դահլիճ:
Լուիզա ՍՈՒՔԻԱՍՅԱՆ
