Ժիրայր Սեֆիլյանի եւ մյուսների գործով Շենգավիթ վարչական շրջանի ընդհանուր իրավասության դատարանի դատավոր Տաթեւիկ Գրիգորյանը հեռացավ խորհրդակցական սենյակ Ժիրայր Սեֆիլյանի պաշտպան՝ փաստաբան Տիգրան Եգորյանի նկատմամբ դատական սանկցիա կիրառելու որոշում կայացնելու համար:
Դատարանը որոշեց դիմել Փաստաբանների պալատ` փաստաբանի նկատմամբ կարգապահական վարույթ հարուցելու պահանջով:
Որոշումը կհրապարակվի այսօր ժամը 17:30-ին:
Հիշեցնենք, որ Ժիրայր Սեֆիլյանին մեղադրանք է առաջադրվել մի խումբ անձանց հետ նախնական համաձայնությամբ, 24.04.2015 թվականին Երեւան քաղաքում բռնություն գործադրելով, գույք ոչնչացնելով եւ վնասելով, ինչպես նաեւ իշխանության ներկայացուցչին զինված դիմադրություն ցույց տալով արտահայտված, հասարակական անվտանգությունը վտանգող զանգվածային անկարգություններ հրահրելու ուղղակի դիտավորությամբ, 2014 թվականի մայիսից դրա կազմակերպմանն ուղղված նախապատրաստական գործողություններ կատարելու համար:
Արփինե ՍԻՄՈՆՅԱՆ
