Թուրքիայի նախագահ Ռեջեբ Թայիփ Էրդողանը ելույթ չի ունենա համերկրացիների առաջ Գերմանիայում հուլիսի 7-8-ը սպասվող «Մեծ քսանյակի» գագաթնաժողովում: Գերմանիայի կառավարության այդ որոշման մասին հայտարարել է Գերմանիայի արտգործնախարար Զիգմար Գաբրիելը, հաղորդում է Deutsche Welle-ն:
Նրա խոսքով՝ ավելի վաղ թուրքական կողմը պաշտոնական հարցում էր ուղարկել՝ թույլտվություն խնդրելով Համբուրգում Էրդողանի ելույթի համար: Հաշվի առնելով երկու երկրների միջև լարվածությունը՝ հարցումը մերժվել է:
«Գերմանիայի կառավարությունը չի ցանկանում, որպեսզի Գերմանիայում ապրող կամ ծագումով թուրքերին սադրեն»,- ասել է Գերմանիայի արտգործնախարարը:
Հիշեցնենք, ավելի վաղ արգելվել էր Էրդողանի թիկնապահների մուտքը Համբուրգ:
Պատրաստեց՝ Վիկտորյա ԱՆԴՐԵԱՍՅԱՆԸ
