«Երբեմն զորամասերում, այդ թվում՝ մարտական խնդիր լուծող զորամասերում, կարող են ուշադրությունը կամ հետեւողականությունը փոքր ինչ իջնել: Դա անմիջապես ողբերգական եւ անցանկալի հետեւանքների է բերում: Դա բնական է, լարված ծառայություն է ընթանում»,-լրագրողների հետ հանդիպմանն այսօր անդրադառնալով վերջերս Մատաղիսում տեղի ունեցած ավտոպատահարին, որին զոհ գնացին երեք զինծառայողներ, ասաց պաշտպանության նախարար Վիգեն Սարգսյանը:
Նա փաստեց, որ Մատաղիսի զորամասում հրամանատարական կազմը փոխվել է. «Դա ցավոտ որոշում էր, քանի որ նրանք մարտական ուղի անցած եւ իրենց լավ դրսեւորած սպաներ են, որոնք մեր պաշտպանության կարեւոր ուղղություններից մեկն էին ղեկավարում: Այդ որոշումը հեշտ չէր կայացնել, բայց պարտադիր էր, որովհետեւ այդ միջադեպը չպետք է տեղի ունենար»: Հիշեցնենք, որ զորամասը նոր պետ ունի:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
