Ժիրայր Սեֆիլյանի եւ մյուսների գործով դատական նիստում այսօր դատախազ Պետրոս Պետրոսյանի դեմ ներկայացված բացարկի միջնորդությունը քիչ առաջ դատավոր Տաթեւիկ Գրիգորյանը մերժեց՝ այն համարելով անհիմն:
Հաջորդ դատական նիստը նշանակվեց հունիսի 30-ին, ժամը 11-ին: Ամբաստանյալ Ներսես Պողոսյանի փաստաբան Տիգրան Եգորյանը հայտարարեց, որ այսօրվա նիստը կայացավ դատարանի կողմից ընթացակարգային խախտումներով՝ դատավորին կրկին հորդորելով վերանայել երեք ամբաստանյալների հանդեպ դատական նիստերի դահլիճից մի քանի ժամով հեռացնելու որոշումը:
Եգորյանը նշեց, որ ինքը դադարեցնում է իր մասնակցությունը նիստերին, քանի դեռ այդ պահանջը չի կատարվել:
Լուիզա ՍՈՒՔԻԱՍՅԱՆ
