ԵՏՄ-ին ՀՀ-ն 2016-ին մաքսատուրք է փոխանցել 33.9 մլրդ դրամ, ստացել 52.9 մլրդ դրամ, այսինքն, ԵՏՄ-ից ստացվել է 19 մլրդ դրամ ավելի մաքսատուրք, քան փոխանցել ենք. «Այնուամենայնիվ, 2016-ին 2015-ի համեմատությամբ ԵՏՄ-ից շուրջ 3 մլրդ դրամ մաքսատուրք է փոխանցվել ՀՀ պետբյուջե»,- այսօր ԱԺ-ում 2016-ի բյուջեի կատարման հաշվետվության քննարկման ժամանակ ասաց ՊԵԿ նախագահ Վարդան Հարությունյանը:
«Ելք» դաշինքի պատգամավոր Արամ Սարգսյանը հարցրեց՝ ո՞րն է պատճառը, որ պակաս ենք ստացել ԵՏՄ-ից: Վարդան Հարությունյանը պատասխանեց. «Մաքսային ձեւակերպումների մեջ ամբողջ ԵՏՄ-ով անկում է գրանցվել, որի արդյունքում մենք մեր մասով, որը ֆիքսված տոկոս է, ավելի քիչ ենք ստացել: Թույլ տվեք նաեւ ֆիքսել, որ այս տարի տենդենց կա ավելանալու, այս 5 ամիսների տվյալներով տնտեսության մեջ արդեն աշխուժություն է նկատվում»:
Հռիփսիմե ՋԵԲԵՋՅԱՆ
