Գերմանիայի արտգործնախարարը զգուշացրել է Թուրքիայի նախագահ Ռեջեբ Թայիփ Էրդողանի թիկնապահներին ներկա չգտնվել Համբուրգում հուլիսին կայանալիք G20-ի գագաթնաժողովին: Այս մասին գրում է Deutsche Welle-ն:
Ավելի ուշ նման պահանջ է հնչեցվել Բունդեսթագի անդամների կողմից:
Հիշեցնենք, մայիսին Էրդողանի թիկնապահները Վաշինգտոնում ծեծի էին ենթարկել Էրդողանի այցի դեմ բողոքող ցուցարարներին:
«Մեր փողոցներում միայն Համբուրգի ոստիկանությունն ասելիք ունի, ուրիշ ոչ ոք: Սա վերաբերում է նաև արտասահմանյան անվտանգության ուժերին»,- ասել է սենատոր Էնդի Գրոտը:
Ավելի վաղ Թուրքիայի դեսպանատունը Գերմանիայի արտգործնախարարությանն էր ուղարկել 50 հոգուց բաղկացած ցուցակ, որոնք պետք է ուղեկցեն Էրդողանին Համբուրգում: Նշվում է, որ ցուցակում ներառված անձանցից մի քանիսը մասնակից են եղել Վաշինգտոնում խաղաղ ցուցարարների հետ բախմանը:
Պատրաստեց՝ Վիկտորյա ԱՆԴՐԵԱՍՅԱՆԸ
