Լեգենդար շանսոնյե Շարլ Ազնավուրն այն աստղերի ցանկում է, որոնք առաջիկայում աստղ կստանան Հոլիվուդի փառքի ծառուղում: Այս մասին հաղորդում է «Ասպարեզը»՝ վկայակոչելով Փառքի ծառուղու ընտրության կոմիտեին:
Ազնավուրն ընտրվել է հարյուրավոր նոմինանտների ցանկից՝ հունիսին տեղի ունեցած կոմիտեի ժողովում:
«Կոմիտեն մանրամասն ուսումնասիրել է բոլոր նոմինանտներին, և կարծում ենք՝ ընտրել ենք տաղանդների էկլեկտիկ խումբ, որը կհամապատասխանի ամբողջ աշխարհում բազմաթիվ երկրպագուների ճաշակին»,- ասել է Դի Բոնան:
Ազնավուրի պարգևատրման արարողության օրը չի հաղորդվում:
Պատրաստեց Վիկտորյա ԱՆԴՐԵԱՍՅԱՆԸ
