Շատերին հայտնի է, որ դեմքի մաշկը, հատկապես աչքերի շրջանը, շատ նուրբ է, թե ի՞նչ անել ծերությունը դանդաղեցնելու համար, գրեթե բոլորին է անհանգստացնում:
Թառամած մաշկը ավելի երիտասարդ եւ թարմ երեւալու համար, նախ պետք է հիշել այն վնասակար գործոնները, որոնք նպաստում են կնճիռների գոյացմանը:
1. Սնվելու ձեւից կախված՝ կնճռոտման գործընթացները կարող են դանդաղել կամ արագանալ: Շատ տաք կամ սառը, կծու, աղի կամ թթու ուտելիքները, ինչպես նաեւ ծխելը եւ ալկոհոլը չարաշահելը ժամանակից շուտ թառամեցնում են մաշկը:
2. Ֆիզիկական եւ հոգեկան լարվածությունը եւս նպաստում է կնճիռների առաջացմանը:
3. Մարսողական համակարգի բոլոր տեսակի հիվանդությունները եւս մեծ ներգործություն են ունենում մաշկի որակի վրա:
4. Կարճատեսություն ունեցողները, որոնք ամաչում են ակնոց կրել, հաճախ աչքի անկյուններում ունենում են բարակ կնճիռներ: Վատ լուսավորության, արեւի ճառագայթների տակ եւս չի թույլատրվում աչքերը լարելով որեւէ բան կարդալ: Այդ ժամանակ աչքերի հաճախ կկոցման հետեւանքով առաջանում են կնճիռներ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ օրաթերթ»
21.06.2017
