«Հորդորում եմ` ժողովրդին ուղղորդեք, որ օգտվեն միայն կանոնավոր ուղևորափոխադրումներից»,- սա ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանի հորդորն է`ուղղված ՀՀ քաղաքացիներին:
Այսօր խորհրդարանում լրագրողները նախարարից հետաքրքրվեցին վերջին շրջանում ՌԴ-ում վթարի ենթարկված ավտոբուսներից: Նախարարն ասաց, որ դրանք ոչ կանոնավոր ուղևորափոխադրումներ են եղել:
Միաժամանակ, նա վստահեցրեց, որ տեսչությունը ստուգումներ է իրականացնում սահմանին, տոմսերի վաճառքի կետերում: Լրագրողներից մեկի տարակուսանքին`այդ դեպքում ինչպե՞ս են անցնում այդ ավտոբուսները, Վահան Մարտիրոսյանը պատասխանեց, որ իրենց իրավասության մեջ չէ սահմանին ունենալ տրանսպորտային տեսչություն, այն միայն ժամանակ առ ժամանակ է գնում սահման և ստուգումներ իրականացնում:
Նախարարն ասաց, որ պետք է ներդրվի էլեկտրոնային համակարգ, որի արդյունքում վերահսկողությունը կմեծանա` ոստիկանության և մաքսավորների հետ կապի հաստատմամբ:
Նելլի ԳՐԻԳՈՐՅԱՆ
