Մոտ 40 րոպե է՝ Ավան եւ Նոր Նորք վարչական շրջանների ընդհանուր իրավասության դատարանի կարգադրիչները զննում են Սասնա ծռերից 14-ի գործով նիստին ներկա գտնվել ցանկացողներին, նոր ներս թողնում նիստերի դահլիճ:
Դատարանի մուտքի մոտ Սասնա ծռերի համակիրների եւ ոստիկանների միջեւ պարբերաբար վիճաբանություններ են ծագում:
Մարդիկ դժգոհում են, որ իրենց սպասեցնում են, ներս չեն թողնում:
Դատարանում էլ դահլիճ մտնելուց առաջ կարգադրիչները ցանկացան զննել փաստաբաններից Տիգրան Հայրապետյանին: Նա ասաց, որ դա իրականում զննություն չէ, այլ խուզարկություն, ապա ասաց, որ նման պարագայում նիստին չի մասնակցելու ու հեռացավ:
Ապա նույնը կրկնվեց փաստաբաններ Երվանդ Վարոսյանի եւ Արայիկ Պապիկյանի դեպքում: Նրանք էլ պնդեցին, որ պայուսակները ցանկանում են խուզարկել եւ չբացեցին դրանք:
Վարոսյանն ու Պապիկյանն էլ դուրս եկան դատարանից:
Նիստը սկսվել է քիչ առաջ, դահլիճում այլեւս տեղ չկա, սակայն դրսում Սասնա ծռերի կողմնակիցները սպասում են: Վալերի Օսիպյանը փորձում է հանդարտեցնել իրավիճակը:
Մանրամասն ՝ տեսանյութում:
Լուիզա ՍՈՒՔԻԱՍՅԱՆ
