ԵԽԽՎ մամուլի ազատության և լրագրողների անվտանգության հարցերով գլխավոր զեկուցող Վոլոդիմիր Արիևը (Ուկրաինա) մտահոգություն է հայտնել ադրբեջանցի լրագրող Աֆխան Մուխթարլիի ձերբակալության կապակցությամբ, որն ավելի վաղ առևանգվել էր Վրաստանում և տեղափոխվել Ադրբեջան:
«Ցավում եմ, որ Ադրբեջանում հաճախակիացել են այլախոհների, մասնավորապես անկախ մամուլի նկատմամբ ճնշումները: Թվում է՝ այս հարձակումը նպատակ ունի լռեցնել հետաքննող լրագրողին, որը հայտնի է Ադրբեջանի իշխանությունների կողմից կոռուպցիայի դեպքերի մասին հաղորդումներով:
Ես կոչ եմ անում Ադրբեջանի իշխանություններին անհապաղ ազատ արձակել ձերբակալված լրագրողին: Ես նաև միանում եմ ԵԽԽՎ իմ գործընկերներ Բորիս Սիլեվիչին և Քերսթին Լանդգրենին և կոչ եմ անում Վրաստանի իշխանություններին ամբողջությամբ հետաքննել դեպքի առնչությամբ բոլոր պնդումները և պատշաճ կերպով տեղեկացնել Վեհաժողովին այդ հետաքննության արդյունքների մասին»,- ասել է Արիևը:
Պատրաստեց՝ Վիկտորյա ԱՆԴՐԵԱՍՅԱՆԸ
