Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի տնօրինությամբ կարգալույծ է հռչակվել Տ. Խորեն վարդապետ Հովհաննիսյանը (Վիրահայոց թեմ):
Հայրապետական տնօրինության համար հիմք է ծառայել Վիրահայոց թեմի առաջնորդ Գերաշնորհ Տ. Վազգեն եպիսկոպոս Միրզախանյանի գրությունը Տ. Խորեն վարդապետ Հովհաննիսյանի կողմից հոգևոր ծառայության վայրը ինքնակամ լքելու վերաբերյալ և առ այդ Մայր Աթոռ Ս. Էջմիածնի Կարգապահական հանձնախմբի եզրակացությունը:
Կարգալույծ եկեղեցականն այսուհետ դասվում է աշխարհականների շարքը և կկոչվի իր ավազանի անունով` Նշան Հովհաննիսյան:
Մայր Աթոռ Ս. Էջմիածին
Տեղեկատվական համակարգ
«Առավոտի» կողմից նշենք, որ Խորեն վարդապետ Հովհաննիսյանը 2015 թվականի սեպտեմբերի 1-ից նշանակվել էր Վիրահայոց թեմի Քվեմո Քարթլիի Տարածաշրջանի շրջանների հայկական համայնքների հոգևոր հովիվ-տեսուչ: 2016 թվականի մայիսի մեկից Հոգշ, Տեր Խորեն վարդապետ Հովհաննիսյանը նշանակվել է միջկրոնական, միջեկեղեցական հարաբերությունների, արտաքին կապերի, կրթական, մշակութային, երիտասարդական, լրատվական, հրատարակչական, համայնքային կառույցների հետ տարվող աշխատանքների գծով Վիրահայոց թեմի Առաջնորդի օգնական:
