Ուրուգվայի մարդու իրավունքների ազգային ինստիտուտը (INDDHH) նամակ է հղել Ուրուգվայի արտգործնախարար Ռոդոլֆո Նին Նովային՝ մտահոգություն հայտնելով առ այն, որ Ադրբեջանի արտգործնախարարությունն իրավապաշտպան Օսկար Լոպես Գոլդարասենային ներառել «սև ցուցակում» այն բանի համար, որ նա որպես միջազգային դիտորդ մասնակցել է Արցախի սահմանադրական հանրաքվեին:
«INDDHH-ը մտահոգություն է հայտնում՝ կապված այն ազդեցությունների հետ, որ կարող է ունենալ Ադրբեջանի կառավարության այս բանաձևը Օսկար Լոպես Գոլդարասենայի իրավունքների վրա, հատկապես խոսքի և տեղաշարժի ազատությունների ոլորտներում, և կոչ է անում արտգործնախարարությանը անհրաժեշտ քայլեր ձեռնարկել՝ անհապաղ դադարեցնելու Ուրուգվայի վերոհիշյալ քաղաքացու իրավունքների խախտումները»,- ասվում է նամակում:
Հիշեցնենք, մայիսին Ադրբեջանի ԱԳՆ-ն Օսկար Լոպեսին ներառել էր «սև ցուցակում»:
Պատրաստեց՝ Վիկտորյա ԱՆԴՐԵԱՍՅԱՆԸ
