Անցած շաբաթ սահմանին կրկին զոհեր եղան։ Ադրբեջանը շարունակում է իր ռազմատենչ քաղաքականությունը, իսկ հայկական կողմը վերստին ապավինում է միջազգային հանրության հասցեական հայտարարություններին: Սրան զուգահեռ, հայաստանյան պատկան մարմինները հայտարարում են, որ պատասխան գործողություններ լինելու են: Իրավիճակի վերաբերյալ զրուցեցինք ԼՂՀ քաղաքական և ռազմական գործիչ Վահան Բադասյանի հետ։
– Հարցի կարգավորումն ինչպե՞ս եք տեսնում։
– Պատերազմական գործողությունների վերսկսմամբ։ Եթե պատերազմ սկսվի, ամեն ինչ կփոխվի։
– Առաջիկայում պատերազմի հավանականություն կա՞։
– Ո՞ւր էր, թե այդպիսի բան լիներ, որովհետև այլ ելք չկա։ Վերջին «չընտրություններից» հետո Հայաստանը վերջնականապես զրկվեց իշխանությունից և պատասխանատվությունից։ Այսօր նախագահակա՞ն, վարչապետակա՞ն, թե՞ խորհրդարանական համակարգ է։ Դրանցից ոչ մեկը։ Կարգին կուսակցապետական էլ չէ։
– Բայց խորհրդարանական ընդդիմությունը ճանաչեց ընտրությունների արդյունքները, արտախորհրդարանականն էլ հետընտրական զարգացումների չգնաց։
– Չկա ընդդիմություն, «Ելքը» իշխանական մոդել է։ Հայաստանում պետք է ազգային իշխանություն լինի, որ խնդիրները լուծվեն, իսկ Արցախի իշխանություններն էլ ինքնուրույն չեն, Հայաստանի իշխանության շարունակությունն են։ Այդուհանդերձ, Ղարաբաղի իշխանությունը և ռազմական հրամանատարությունը խիստ մտահոգված են իրավիճակով։
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես» թերթի այսօրվա համարում
