Նորվեգիայի Ստավանգեր քաղաքում քիչ առաջ ավարտվեց շախմատի «Norway Chess» գերհզոր մրցաշարը, որին մասնակցում էին աշխարհի տասը ուժեղագույն գրոսմայստերները:
Հայկական շախմատի առաջատար Լեւոն Արոնյանը, որ եզրափակիչ տուրից առաջ միանձնյա գլխավորում էր մրցաշարային աղյուսակը, ոչ-ոքի արեց ամերիկացի Ուեսլի Սոի հետ եւ 6,0 միավորով նվաճեց հաղթողի տիտղոսը: Նա մեկ միավորով գերազանցեց մրցանակային հաջորդ երկու տեղերն զբաղեցրած Վլադիմիր Կրամնիկին եւ Հիկարու Նակամուրային:
Աշոտ ՀԱԿՈԲՅԱՆ
