Փորձագետ Կարեն Վարդանյանի սպանության գոծով դատարան ժամանած շտապ օգնության բժիշկները ամբաստանյալ Արթուր Միհրանյանի մոտ արձանագրեցին սրտի հետ կապված խնդիրներ:
Ըստ բժիշկների, Արթուր Միհրանյանին հարկավոր է հետազոտություն հիվանդանոցային պայմաններում, որ պարզվի՝ արդյոք նրա մոտ սրտամկանի վնասո՞ւմ է, թե՞ նեւրոզ:
Դատական նիստը հետաձգվեց մինչեւ հունիսի 23-ը:
Հիշեցնենք, որ Միհրանյանի ինքնազգացողությունն այսօր դատական նիստի ժամանակ վատացել էր, նրա համար շտապ օգնություն էին հրավիրել :
Հիշեցնենք, որ ըստ մեղադրական եզրակացության, Գևորգ Զոհրաբյանն ու Արթուր Միհրանյանը, նախնական համաձայնությամբ, խմբի կազմում վստահությունը չարաշահելու և խաբեության միջոցով գաղտնի առևանգել են Կարեն Վարդանյանին, այնուհետև խմբի կազմում շահադիտական դրդումներով դիտավորությամբ ապօրինաբար զրկել կյանքից, որից հետո, նախնական համաձայնությամբ, խմբի կազմում գաղտնի հափշտակել են Կարեն Վարդանյանի զգալի չափի գույքը:
Արփինե ՍԻՄՈՆՅԱՆ
