«Այս տարի որոշեցինք այցելել ԱԺ և դոնորության գործընթացին մասնակից դարձնել նաև պատգամավորներին»,- խորհրդարանում պատգամավորների արյունատվության ակցիայի ընթացքում, լրագրողների հետ զրույցում ասաց Յոլյանի անվան Արյունաբանական կենտրոնի ղեկավար Սմբատ Դաղբաշյանը:
Սմբատ Դաղբաշյանը հաստատեց՝ ՀՀ-ում արյան դոնորների պակաս կա. «Այսօր առողջապահության նախարարության կողմից հնարավորություն է ստեղծվել ստեղծելու համապատասխան արյան պաշարներ արտակարգ իրավիճակների համար, դրանք գտնվում են արյան ծառայության ստորաբաժանումներում և նրանք բավարար են մեր խնդիրներն արտակարգ իրավիճակներում լուծելու համար, սակայն գիտեք, որ դոնորների մշտական պակաս ունենք և ազգաբնակչության միայն 0,4%-ն են հանդիսանում արյան դոնոր, երբ այն պետք է լինի շուրջ 2%: Հետևաբար` արյան դոնորների մեծ խնդիր ունենք, այսինքն՝ պետք է համալրենք»:
Երբ ԱԺ նախագահ Արա Բաբլոյանն արյուն էր հանձնում, մոտեցավ նաև «Ելք» խմբակցության ղեկավար Նիկոլ Փաշինյանը: Արա Բաբլոյանն առաջարկեց իր կողքը պառկել՝ արյուն հանձնելու համար, տեղը ազատ էր: Ներկաները կատակեցին` Նիկոլ Փաշինյանը սպասեց ԱԺ նախագահի հետ ներկայանա:
Այլ մանրամասները` տեսանյութում
Նելլի ԳՐԻԳՈՐՅԱՆ
