Մադրիդի «Ռեալի» ֆուտբոլիստ Կրիշտիանու Ռոնալդուն մեղադրվում է հարկերից խուսափելու մեջ, համապատասխան հայց ֆուտբոլիստի դեմ ներկայացրել է դատախազությունը, հաղորդում է Euronews-ը: Ըստ այդ տեղեկության՝ 2011-2014թթ. ընթացքում պորտուգալացի ֆուտբոլիստը պետական գանձարանին պարտք է մնացել 14.7 մլն եվրո:
Դատախազության հայտարարության մեջ նշվում է, որ Ռոնալդուն «գիտակցաբար օգտագործել է 2010թ. ստեղծված կազմակերպությունը՝ Իսպանիայում իր եկամուտը թաքցնելու համար»:
Ընդհանուր առմամբ ֆուտբոլիստը մեղադրվում է ֆինանսական խարդախությունների 4 կետով: Նման մեղադրանքով նա կարող է դատապարտվել 1-5 տարվա ազատազրկման: Նման ֆինանսական խախտումների համար մինչև 2 տարվա ազատազրկումը Իսպանիայում սովորաբար համարվում է պայմանական:
Պատրաստեց՝ Վիկտորյա ԱՆԴՐԵԱՍՅԱՆԸ
