Հայկական շախմատի առաջատար գրոսմայստեր Լեւոն Արոնյանը փայլուն մրցելույթ է ունենում Նորվեգիայի Ստավանգեր քաղաքում ընթացող շախմատի «Norway Chess» գերհզոր մրցաշարում:
Այսօր կայացավ վեցերորդ տուրը, որում Արոնյանը սպիտակ խաղաքարերով պարտության մատնեց Ռուսաստանի լավագույն շախմատիստ Վլադիմիր Կրամնիկին: Այս հաղթանակից հետո հայ գրոսմայստերը 4,0 միավորով հավասարվեց ետնապահ Վիշվանաթան Անանդից պարտություն կրած Ֆաբիանո Կարուանային եւ լրացուցիչ ցուցանիշներով գլխավորեց մրցաշարային աղյուսակը:
Աշոտ ՀԱԿՈԲՅԱՆ
Լուսանկարը՝ chess24-ի
