«Քաղաքական երկխոսության համատեքստում եւ հասարակության շրջանում տեսնում ենք, որ Արցախյան հակամարտության լուծման ցանկությունն ավելանում է»,- «Կովկաս» ինստիտուտի կազմակերպած՝ տարածաշրջանային անվտանգության խնդիրներին նվիրված քննարկման ժամանակ այսօր հայտարարեց ՀՀ-ում Միացյալ Թագավորության դեսպան Ջուդիթ Ֆարնուորթը:
Նա մատնանշեց, որ «ստատուս քվո»-ի պահպանումը չափազանց թանկ է նստում կողմերի վրա: «Մենք սատարում ենք ԵԱՀԿ Մինսկի խմբի աշխատանքը՝ տարածաշրջանում անվտանգություն ապահովելու ուղղությամբ»,-հավելեց դեսպանը:
ՀՀ-ում Շվեյցարիայի դեսպան Լուկաս Գասսերն էլ իր հերթին մատնանշեց ԵԱՀԿ երեւանյան գրասենյակի փակումը. «Այդ փաստը նախադեպ է ԵԱՀԿ-ի համար առ այն, որ վերջինս որոշակի հնարավորություններ կարող է կորցնել»:
Լուիզա ՍՈՒՔԻԱՍՅԱՆ
