Ծանրորդների համար հետօլիմպիական առաջին տարում հիմնական մեկնարկները դեռ առջեւում են: Բոլոր տարիքային խմբերի մեր հավաքականները պատրաստվում են կարեւորագույն մրցումներին:
Հայաստանի ծանրամարտի ֆեդերացիայի գլխավոր քարտուղար, տղամարդկանց ազգային հավաքականի գլխավոր մարզիչ Փաշիկ Ալավերդյանը գոհ է առաջատար ծանրորդների մարզավիճակից ու ասում է, որ նրանք ի վիճակի են մեդալների համար պայքարել տարվա բոլոր մեկնարկներում: Նրա հետ զրույցից ենթադրվում է, որ մասնագետն առավել մեծ հույսեր կապում է Սիմոն Մարտիրոսյանի հետ: Մարզչի խոսքերով, ծանր քաշային ծանրորդն արդեն այսօր մարզումների ժամանակ բավականին լուրջ կիլոգրամներ է բարձրացնում: Պարոն Ալավերդյանը կարծում է, որ եթե ծանրորդը շարունակի նույն լրջությամբ մարզվել առաջիկա քառամյա շրջափուլում, կարող է նվաճել հնարավոր բոլոր մարզական բարձունքները:
ԱՇՈՏ ՀԱԿՈԲՅԱՆ
«Առավոտ»
08.06.2017
