Նորվեգիայի Ստավանգեր քաղաքում մեկնարկած շախմատի «Norway Chess» գերհզոր մրցաշարում, որտեղ հանդես է գալիս շախմատային աշխարհի ընտրանին, երեկ կայացավ երկրորդ տուրը:
Հայկական շախմատի առաջատար, գրոսմայստեր Լեւոն Արոնյանը սեւ խաղաքարերով հանդիպեց ամերիկացի Հիկարու Նակամուրայի հետ: Պարտիան ավարտվեց ոչ-ոքի: Առաջին տուրում Արոնյանը միավորը բաժանել էր ԱՄՆ-ը ներկայացնող մեկ այլ գրոսմայստերի՝ Ֆաբիանո Կարուանայի հետ: Երկու տուրից հետո Լեւոն Արոնյանը վաստակել է մեկ միավոր՝ ցուցադրելով հիսուն տոկոսանոց արդյունք:
Այս օրերին Մինսկում ընթանում է Եվրոպայի տղամարդկանց անհատական առաջնությունը, որտեղ հանդես եկող 398 շախմատիստները մեդալներից բացի պայքարում են 22 լավագույնների մեջ տեղ զբաղեցնելու համար, ինչը Աշխարհի գավաթի խաղարկությանը մասնակցելու ուղեգիր է տալիս: Հայաստանի 19 ներկայացուցիչներից լավագույնը միջազգային վարպետ Արման Միքայելյանն է, որը ութ տուրից վետո 6,0 միավորով ընթանում է 12-րդ հորիզոնականում:
ԱՇՈՏ ՀԱԿՈԲՅԱՆ
