Եվրոպայի խորհրդի Կոռուպցիայի դեմ պայքարի պետությունների խումբը (GRECO) կոչ է արել եվրոպական կառավարություններին, խորհրդարաններին և արդարադատությամբ զբաղվող մարմիններին քայլեր ձեռնարկել կոռուպցիան կանխելու առավել արդյունավետ մեխանիզմներ մշակելու ուղղությամբ: Այս մասին ասվում է ԵՄ տարածած հաղորդագրության մեջ:
Այսօր հրապարակված տարեկան զեկույցում GRECO-ն վերլուծել է իր անդամ 49 երկրներում 2016թ. կոռուպցիայի դեմ ձեռնարկված քայլերը՝ մատնանշելով, որ երկրները շատ հաճախ շեշտը դնում են կոռուպցիայի դեմ պայքարի ռեպրեսիվ ասպեկտների վրա՝ թերագնահատելով կանխարգելիչ միջոցների մեխանիզմը, որը կամ շատ թույլ է, կամ ընդհանրապես բացակայում է:
Զեկույցի համաձայն 2016թ. վերջին Հայաստանը հաջողությամբ կատարել է GRECO-ի խորհուրդները՝ կապված կոռուպցիայի քրեականացման և քաղաքական ֆինանսավորման թափանցիկության ապահովման հետ, այնուամենայնիվ խորհրդարանի անդամների շրջանում կոռուպցիայի կանխարգելման ոչ մի խորհրդատվություն չի կատարվել: Ավելին, դատավորների շրջանում կոռուպցիայի կանխարգելման հետ կապված GRECO-ի խորհրդատվությունների 43 տոկոսը չի կատարվել, իսկ 43 տոկոսը կատարվել է մասնակի:
Պատրաստեց՝ Վիկտորյա ԱՆԴՐԵԱՍՅԱՆԸ
