Լեզվաբան Փառանձեմ Մեյթիխանյանի ամուսնու՝ Եղիշե Խաչատրյանի սպանության գործի քննության ժամանակ այսօր կրկին միջադեպ տեղի ունեցավ: Փառանձեմ Մեյթիխանյանը դատավորին ասաց, որ պատասխանող կողմը չի հարգում այն փաստը, որ ինքն ամուսին է կորցրել, որ վերջինիս մայրը տարեց է, հուզվում է եւ հուզվելուց է, որ ամբաստանյալներին գուցե անուններով ճշգրիտ մատնացույց չի անում:
Տիկին Մեյթիխանյանը դատավորին պատմեց, որ իր տուն է եկել մեղադրյալներից Արտաշես Չիչոյանի հորեղբայրը, ներողություն խնդրել ու ակնարկել, թե՝ «բա տղաները ցմահ գնան-նստե՞ն»: Մեյթիխանյանն էլ զարմացել է, թե՝ «դուք ինչքա՞ն եք պատկերացնում»: Հորեղբայրն ասել է, թե՝ «դե մի հինգ-տասը տարի»:
Այս խոսքերի վրա դահլիճում ներկաների նյարդերը կրկին տեղի տվեցին, իսկ Արարատ Չիչոյանը կտրուկ կանգնեց ու բարձր բղավեց:
Դատարանի կարգադրիչները ստիպված եղան ամբաստանյալներին հեռացնել դահլիճից, քանի որ փոքր-ինչ հրմշտոց սկսվեց: Նիստն ընդհատվեց:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
Սպանվածը մարդ է, անհատ և ի՞նչ կապ ունի թե ում ամուսինն է… Սա առնվազն անտակտություն է…