Ռուսաստանում «Լևադա կենտրոնի» կողմից անցկացված հարցման համաձայն՝ Հայաստանը բարեկամ երկիր է համարում հարցման մասնակիցների 12 տոկոսը:
Անցյալ տարի այդ ցուցանիշը 13 տոկոս էր:
Հարցման արդյունքները ցույց են տվել, որ Ռուսաստանի առավել մոտ բարեկամների ցուցակը գլխավորում է Բելառուսը (46 տոկոս), նրան հաջորդում են Չինաստանը (39 տոկոս), Ղազախստանը (34 տոկոս): Ռուսները բարեկամ երկիր են համարում նաև Սիրիան (15 տոկոս), Հնդկաստանը (14 տոկոս), Կուբան (11 տոկոս), Ուզբեկստանը, Տաջիկստանը և Ադրբեջանը (9 տոկոս):
Ռուսաստանի թշնամի երկրների ցանկը գլխավորում են ԱՄՆ-ը (69 տոկոս) և Ուկրաինան (50 տոկոս): Գերմանիան, Լատվիան և Լիտվան թշնամի երկիր է համարում հարցման մասնակիցների 24 տոկոսը:
Հարցումն անցկացվել է մայիսի 19-22-ը ընկած ժամանակահատվածում: Հարցմանը մասնակցել է 18 տարեկանից բարձր 1600 մարդ Ռուսաստանի 137 շրջանների 48 բնակավայրերում:
Պատրաստեց՝ Վիկտորյա ԱՆԴՐԵԱՍՅԱՆԸ
