ՀՀ սպորտի եւ երիտասարդության հարցերի նախարարությունը եւ Հայկական հոգեբանության ակադեմիան համատեղ հոգեբանական դասընթացներ են նախաձեռնել «Մարզչական գործունեության հոգեբանական ասպեկտների կատարելագործումը» թեմայով, որին մասնակցում են տարբեր մարզաձեւերի մարզիչներ:
Դասընթացները կոչված են զարգացնելու սպորտային հոգեբանությունը, լրացնել առկա բացերը, ինչը կխթանի մարզիկների բարձր նվաճումները.
«Մարզիչներն օրվա գերակշիռ մասն անցկացնում են իրենց սաների հետ եւ գիտեն նրանց բոլոր ուժեղ ու թույլ կողմերը: Մարզիչները նաեւ հոգեբանի, ծնողի դեր են կատարում մարզիկի համար: Այդ պատճառով շատ կարեւոր է, որ նրանք հոգեբանորեն վերապատրաստվեն»,- ասում է Հայկական հոգեբանության ակադեմիայի տնօրեն Բարեղամ Մնացականյանը:
Սպորտի եւ երիտասարդության հարցերի փոխնախարար Գաբրիել Ղազարյանը Այս դասընթացի նշանակությունը կարեւորում է նաեւ սպորտի եւ երիտասարդության հարցերի փոխնախարար Գաբրիել Ղազարյանը: Նրա խոսքերով. «Սպորտային հոգեբանի ինստիտուտը մեր երկրում կայացած չէ: Հիմնականում մարզիչները նաեւ մեր մարզիկների հոգեբանական պատրաստվածությամբ են զբաղվում, քանի որ ոչ բոլոր հավաքականներում կան հոգեբաններ»:
Իսկ նախարարության սպորտի բարձրագույն նվաճումների քաղաքականության վարչություն պետ Նարինե Շահբազյանը ցանկանում է, որ նմանատիպ միջոցառումները շարունակական կլինեն: «Մեր մարզիկներից շատերը մրցումների ժամանակ հոգեբանական խնդիր են ունենում: Լինում է, որ մարզիկը ֆիզիկապես պատրաստ է մրցաշարին, բայց տանուլ է տալիս հոգեբանորեն»,- ասում է նա:
Դասընթացը շարունակվելու են մինչեւ հունիսի 4-ը:
Աշոտ ՀԱԿՈԲՅԱՆ
Լուսանկարը՝ armnoc.am-ի
