«Ինտեգրացիա եւ զարգացում» հասարակական կազմակերպության նախագահ Արամ Սաֆարյանն, ի հեճուկս պաշտոնական տվյալների, որոնք Հայաստանի`ԵԱՏՄ-ին անդամակցության օգտին, մեղմ ասած, չեն խոսում, կարծում է, որ ԵԱՏՄ երկրների մեջ հարաբերությունների զարգացումն ու խորացումը մոտ ապագայում բերելու է շոշափելի արդյունքների:
Aravot.am-ի հետ զրույցում պարոն Սաֆարյանը համոզմունք հայտնեց, որ ԵԱՏՄ-ի տարածքի համար 2014-16 թվականների գլոբալ ֆինանսատնտեսական ճգնաժամն արդեն ավարտին է մոտենում. «Մոտակա հեռանկարն ավելի բարվոք է, քան անցած տարիներն էին: Մենք ականատեսն ենք լինելու տնտեսական այնպիսի զարգացումների, որոնք թույլ են տալու արդեն լրջորեն մտածել հոգեւոր-մշակութային ոլորտում ընդհանուր համաձայնեցված քաղաքականություն տանելու մասին»:
Մի քանի տարի առաջ Ղազախստանի նախագահ Նուրսուլթան Նազարբաեւն իր երկրում հայտարարեց բարեփոխումների շրջան`այն անվանելով երրորդ մոդեռնիզացիա: Այդ շրջանակներում այժմ Ղազախստանում քաղաքական բարեփոխումներ են սկսվում: Մինչ այդ, բարեփոխումներ են իրականացվում տնտեսական, հոգեւոր, կրթական ոլորտներում, ընկալումների, մտածողության փոփոխության հարթությունում:
Ի՞նչ կբերեն այդ փոփոխությունները եւ ինչպե՞ս կանդրադառնան Հայաստանի հետ համագործակցությունների վրա`տեսանյութում
Նելլի ԳՐԻԳՈՐՅԱՆ
