Բուժական հատկություններով աչքի ընկնող սովորական տատրակն ունի հակաբորբոքային, խորխաբեր ազդեցություն: Բույսին հատուկ է նաեւ թույլ արտահայտված կծկանքը վերացնող հատկությունը:
Կիրառվում է լարինգիտների, քրոնիկական բրոնխիտների, բրոնխիալ ասթմայի բուժման ժամանակ: Թրջոցների, լոգանքների ձեւով կիրառվում է թարախային վերքերի, մազաթափության դեպքում: Թարմ տերեւահյութը հարբուխի ժամանակ տամպոնների ձեւով դնում են քթանցքերի մեջ։ Թարմ տերեւները տրորելով՝ դնում են բորբոքական ուռուցքներին եւ գլխին՝ գլխացավերի ժամանակ։
Կիրառման եղանակները: Ջրաթուրմ: 5 գրամ` 1 ճաշի գդալ հումքը լցնել էմալապատ ամանի մեջ, ավելացնել 200 միլիլիտր եռացրած տաք ջուր, փակել կափարիչով եւ 15 րոպե տաքացնել եռացող ջրում` ջրային բաղնիքում` հաճախակի խառնելով: Այնուհետեւ զովացնել 45 րոպե սենյակային ջերմության պայմաններում եւ քամել: Ստացված ջրաթուրմի քանակը եռացրած ջրով հասցնել 200 միլիլիտր: Պիտանի է մինչեւ 2 օր: Խմել գոլ վիճակում՝ 1/2 -1/3 բաժակ, օրական 3 անգամ, ուտելուց 1 ժամ առաջ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
01.06.2017
