Իջեւան քաղաքից իրավաբան, 7 երեխաների հայր Դավիթ Սահակյանը հայտնեց, որ իր ավագ, զույգ որդիները՝ 4-րդ դասարանն ավարտող Արծրունը եւ Սահակը այսօր՝ հունիսի 1-ին հայոց լեզվից քննություն պետք է հանձնեին: Սակայն 10-ամյա տղաները քննությանը չեն մասնակցել, քանի որ նկարչական ձիրք ունեցող այդ երեխաները հունիսի 1-ին մեկնել են Երեւան, մասնակցելու երեխաների պաշտպանության միջազգային օրվան նվիրված, «Պահապան զարգացման հիմնադրամի». «Հայ Ձմեռ պապ» բարեգործական հիմնադրամի, Հայ առաքելական եկեղեցու Տավուշի թեմի եւ «Պողոսյան պարտեզների» կազմակերպած միջոցառմանը: Դավիթն ասաց, որ իր զույգ տղաները հայոց լեզվի քննությունը կհանձնեն օգոստոսի 20-ից հետո: Նա հայտնեց, որ իջեւանցի այլ երեխաներ կային, որոնք պետք է մասնակցեին Երեւանում կայացած միջոցառմանը, սակայն քննության պատճառով չեն կարողացել:
Դ. Սահակյանի խոսքերով՝ հունիսի 1-ին քննություն նշանակելը նախորդ տարիներից է սկիզբ առել եւ շարունակվում է: Բազմազավակ հոր վկայությամբ՝ հունիսի 1-ին երեխաները պետք է տոնեն իրենց տոնը, ուրախանան:
Ոսկան ՍԱՐԳՍՅԱՆ
