Երեխաների պաշտպանության օրվա` հունիսի 1-ի առիթով առաջին նվերները ստացել են Երևանի քաղաքապետարանի ենթակայությամբ գործող «Քանաքեռ-Զեյթուն» և «Գրիգոր Նարեկացի» ծննդատներում լույս աշխարհ եկած փոքրիկներն ու նրանց մայրերը:
Երևանի քաղաքապետ Տարոն Մարգարյանի անունից նոր մայրացած կանանց շնորհավորել և նվերները հանձնել են Երևանի քաղաքապետարանի աշխատակազմի հանրակրթության վարչության պետ Գայանե Սողոմոնյանն ու ընտանիքի, կանանց և երեխաների իրավունքների պաշտպանության բաժնի պետ Իդա Խաչատրյանը։ Անակնկալից շոյված մայրիկներն էլ իրենց հերթին շնորհակալություն են հայտնել հաճելի անակնկալի, ուշադրության և հոգատարության համար։
Երևանի քաղաքապետարանի մամլո հաղորդագրություն
