Ապրիլյան ռազմական գործողությունների ժամանակ վիրավորված զինծառայողների վերականգնողական բուժումը շարունակում է մնալ պետության ուշադրության կենտրոնում: Հրազենային վիրավորում ստացած չորս զինծառայողների համար առաջիկայում լրացուցիչ վիրահատական միջամտություններ են նախատեսում: Այս մասին այսօր ՊՆ նախաձեռնած ռազմական լրագրության դասընթացի շրջանակում լրագրողներին հայտնեց ՀՀ ԶՈՒ Ռազմաբժշկական վարչության պետ Կամավոր Խաչատրյանը:
Նա տեղեկացրեց, որ մասնավորապես Մհեր Պետրոսյանի բուժումը Գերմանիայում կազմակերպելու համար ընդհանուր առմամբ տրամադրվել է 26 միլիոն դրամ, Աշոտ Գրիգորյանի բուժումը ՌԴ-ում կազմակերպելու համար՝ 712.000 դրամ: Նա առաջիկայում Սանկտ Պետերբուրգ է ուղարկվելու:
Ռուզվելտ Թորոսյանի բուժումը ՌԴ-ում կազմակերպելու համար տրամադրվել է 1 միլիոն դրամ, իսկ Ռոլանդ Սահակյանի համար՝ 4 միլիոն դրամ:
Լուիզա ՍՈՒՔԻԱՍՅԱՆ
