Մինսկում մեկնարկեց շախմատի Եվրոպայի տղամարդկանց անհատական առաջնությունը, որին մասնակցում է 38 երկրի 398 շախմատիստ: Նրանք պայքարում են ոչ միայն չեմպիոնական տիտղոսի, այլեւ 22 լավագույնների մեջ տեղ զբաղեցնելու եւ աշխարհի գավաթի վարկանիշ ձեռք բերելու համար:
Հայաստանը մայրցամաքի առաջնությունում ներկայացված է 19 շախմատիստով, որոնցից տասը՝ Սերգեյ Մովսիսյանը, Զավեն Անդրիասյանը, Հրանտ Մելքումյանը, Արման Փաշիկյանը, Հովհաննես Գաբուզյանը, Մանուել Պետրոսյանը, Տիգրան Հարությունյանը, Հայկ Մարտիրոսյանը, Արտաշես Մինասյանը եւ Գեւորգ Հարությունյանը, հաղթանակ տարան մեկնարկային տուրում:
Աշոտ ՀԱԿՈԲՅԱՆ
Լուսանկարը՝ openchess.by-ի
