Խորհուրդ է տրվում նաեւ դիաբետով հիվանդներին, քանի որ արդյունավետ ազդեցություն ունի արյան մեջ շաքարի քանակի պակասեցման
Խատուտիկը իր բուժական ազդեցությամբ հայտնի դեղաբույս է: Օգտագործում են հիմնականում ծաղիկը` ցողունով, որը պետք է կտրել արմատին մոտ եւ լավ լվանալ, դրանից հետո կարելի է պատրաստել նաեւ աղցան: Խատուտիկը` դեղնավուն հյութով ավելի հաճելի է, քան կանաչավուն հյութով: Դիաբետով հիվանդներին խորհուրդ է տրվում ամեն օր օգտագործել խատուտիկով աղցան, քանի որ բույսը շատ արդյունավետ ազդեցություն է գործում շաքարի քանակի պակասեցմանը արյան մեջ: Երբ արդեն մոտենում է խատուտիկի վերջանալու ժամկետը, նախօրոք հավաքում են ծաղիկները՝ իր խողովականման ցողունի հետ միասին: Այն լվանալուց հետո պոկում են ծաղիկը: Ամեն օր ուտել 10-15 ծաղիկ եւ ցողուն:
Խատուտիկի հյութը քրտնամուղ է, տոնուսավորող, լեղամուղ, հակաճիճվային, միզամուղ:
Օգտագործում են ոչ միայն շաքարային դիաբետի, այլեւ քարային հիվանդությունների, արյան եւ մաշկային հիվանդությունների, բրոնխիտի դեպքում:
Հյութի մեջ գտնվող յոդի մեծ պարունակությունը նպաստում է վահանաձեւ գեղձի հիվանդության բուժմանը:
Հյութն օգտագործում են հետեւյալ կերպ` կես բաժակ հյութին ավելացնել 1 ճաշի գդալ մեղր եւ օգտագործել օրը 3 անգամ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
30.05.2017
